Det byrjar å nærma seg start for turen vår. For å vere best mogleg førebudd på den belastninga som kjem, og redusere sjansane for å bli skada, har eg (Martha) mekka saman eit styrketreningsprogram.
Her kjem programmet som me skal kjøre fram mot sommaren. Om du vil kan du teste det ut du også, for å bli ekstra klar til sommarens fjellturar! 😀 Noko som er vanskelig å forstå? Gå på youtube 😉
Bulgarsk utfall
Korleis: Vekter i hendene. Stå på eine beinet medan det andre beinet kvilar på ein benk. Bøy i kneet på beinet du står på ned til omlag 90 grader, før du kjem opp igjen. 3*10 reps.
Kvifor: Stiller krav til balansen og kontroll over ankel, kne og hofte. Styrker setet, lår samt jobbar mykje med core muskulaturen for å halde seg stabil. Rørelsen kan minne om å gå med tung sekk opp ein bratt bakke – noko me kjem til å gjere mykje i sommar.
Nordic hamstring
Korleis: Ein står oppreist på knærna med låste føtter. Så skal ein sakte lene seg forover til ein kommer ned med magen/brystet mot gulvet, så skyver ein fra med henda og skubber seg opp til utgansgsposisjon igjen.
Kvifor: Eksentrisk trening. Ein øving retta for bakside lår, men også for core-muskulaturen.
1-fots eksentrik beinpress
Korleis: I beinpressapparat. Byrjar med ca 90 grader i kneledd. Presser i frå med begge beina. Når knærna er nesten utstrekt tar ein vekk eine foten og bremsar rørsla med ein fot tilbake til utgangsposisjon. 3*10 reps.
Kvifor: Tung eksentrisk trening,med ein fot om gangen for å vere sikker på att begge beina får like mykje belastning.
Tåhev med 1-fots eksentrisk arbeid.
Korleis: I Beinpressapparatet, byrjar med tåhev med begge bein, tar vekk eine foten og senker sakte ned til startposisjon.
Kvifor: Tung eksentrisk trening for leggmusklane har vist seg å vere skadeførebyggjande for beinhinnebetennelse. Sidan me begge har hatt dette tidlegare vil me gjere mest mogleg for å unngå dette på turen.
Stående med ein fot på balanseputa
Korleis: Stå på balanseputa med ein fot. Utfordrer balansen med å lukka augene, jobbe i knebøy, kaste ein ball mot veggen å ta i mot den osv.
Kvifor: Jobbe for å auke stabiliteten rundt ankelen, og kne, samt arbeidermed core muskulaturen.
Armheving /roing
Korleis: Først ein armheving – etter det ei vekt i handa som ein fører opp langs sida som ein roøving når ein står oppe i plankeposisjon med strake armar.
Kvifor: Jobbe med core-muskulaturen og musklane mellom skulderblada for å førebyggje ein altfor dårlig haldning etter 100 dagar på tur.
Sideplanke med stjerne
Korleis: Stå i ein planke på sida, med ein albogen og ein fot nedi gulvet. Press hoften opp mot taket, og før motsatt arm og bein mot kvarandre som ei stjerne.
Kvifor: Tung øving for coremuskulatur.
Ut med sekk!
I tillegg til førebyggjande styrkeøving er jo det aller viktigaste å gå mykje med tung sekk, sidan det er det me skal gjere kvar dag i heile sommar. Våren som student er travel – og mykje tid blir brukt på skulen. Då er det midt i blinken å gå til og frå skulen med sekken fyllt med nokre ekstra bøker, vannflasker eller kva det skal vere som gjer sekken tung. Målet er å gå minst ei mil i veka i mars, to mil i veka i april og tre mil i veka i mai – før det brakar laus og me skal ut å gå uendeleg mange mil i sommar!
Bra start på ein lang lesesalsdag å gå til universitetet i perfekt påskevér!
Og til slutt: Me er nå komme på lista over alle som har gått/skal gå Norge på langs: nummer 283! 
…wow!!!!
NPL-systrene 